高考之後我想放自己一個月大假，懶洋洋的他他條的。
身邊考完高考的朋友分別散落在貢茶、吉野家、意粉屋、美心、利嘉閣、麥當勞，忙到 High High。最近大家都脫離校園生活，少了很多校園八掛性話題，多懷念以前「聽講呢隔黎班陳小明同Mary拍拖」「聽講邊個老師同邊個老師隔空對火」甚至「聽講低 form 有人瀨屎」的校園娛樂新聞，日日新鮮日日金，只怪我的青春小鳥一去不回來。
取而代之的是番工後的一蘿怨氣，雀局裡破口大罵上司放箭，插插豬扒同事正港女，直言想兜野潑杯奶茶落麻煩客人身上。呢班飲食業小王子長嗟短嘆，怒氣大到打隻西都大力D。沙漠中的綠州是最低工資立法，保障我地這班無經驗的蟲仔時薪$28，算係一絲安慰，及時雨落得正好。
我卻選擇燃燒青春，娛娛樂樂，上上YouTube facebook就一天，以安撫一年半來只談讀書不談風月的和尚生活。還有，現在能睡足八句鐘是一件很幸福的事。不上班，不是不屑二十八蚊的最低工資，而是覺得辛苦左成年何必再苦下去呢？別忘記政府除了實施最低工資之外，還有派六千蚊的惠政。雖然可能等我世界末日都未到手。
望到貢茶姐姐一句鐘沖百幾杯奶茶，背影帶有說不出的淒涼。此情此境，使我對工作重新反思。我想齋坐家中做 artworks, design 走天涯，做做平面設計，人工以 job 計算。如是我可以幾時起身幾時訓，並奉行無老闆主意。雖然是理想了一點，但也不是不可行的。請不要轟炸我的烏托邦。
你一定以為開blog的第一章會抱怨香港的教育制度點彊化點磨人心志，但人老喇，乜都睇化喇！何況高考制度算係比會考好，只係份量另計。
Advertisements
不說學校事，可能是我們都想讓中學生涯一點一點的褪色，
準備跟「社會」，這個人生boss作戰，縱知道是硬仗、苦戰，都想在這個長長暑假試探一下它。
工作得愉快與否，必定跟個人心態和工作目的有關。
我們這一行，而受氣是必然的。
為了金錢而受氣，和為了學習而受氣，兩者的結果不相同。
小弟我不像你多才多藝，只能當水吧仔的我，苦水也有，不過只限於 凍阿華田走冰 和 掉了姓名牌($20)。
我也會被罵，不過我不怪任何人，包括自己。
一間鋪可能只有一千呎，但我知道我仍然有九萬幾樣事未懂。
我經理說：「沒有人一個星期就可以學會所有事，所以慢慢學吧，不要緊的。」
當做錯了一件事，或做漏了一件事之後，就記著、學著。
初初上班的時候戰戰競競，緊張得失眠，
但慢慢的就發覺工作只是例行事，盡量零失誤便很足夠，現在都不因工作而影響精神了。
事實上，每個都總有合適自己的工作，所以「請不要轟炸我的烏托邦。」+1
網誌初開, 華田哥哥竟然係到留下咁大篤屎, 佩服佩服.
講才藝邊及你拎住枝 Bass, 你應該學郭生兼職教結他,
不過你沖華田都唔係為左錢, 講經驗姐.
如果姓名牌跌左落走冰既凍華田, 點計？
都唔夠你大篤 = = , 我呢d 狗 shit, 點及你d 象 shit.
我記碼要玩多兩年先夠班教人, 咪369我啦.
姓名牌就冇啦, 華田就要再沖過.
子健,
首先恭賀你新居入伙先!
終於又有黎氏通識睇下
感覺吾錯…..
有時間就加埋我啦
雖然我個邊一篇文都未有=.=
不過,共勉之!
—————————————————-
返入正題先!!
我之前聽過一個人既分享
佢原黎係為某財團旗下建築物畫則
但吾想將D時間奉獻俾大老闆
聽講話佢找左份PT既畫則
每星期只係返兩至三日
其餘時間就做自己野
雖然佢份人工岩岩好維持到生繼
但係真係做到自己理想既野
真係正!
想到自己…..
自己幾時先可以好似佢咁呢==
一人痾一篤真係開心.
um… 其實無一份做 design job 係絕對唔需要遷就顧客ge, 視乎多少姐.
我就未完全了解佢點比大老闆壓迫, 但我相信佢知道自己行緊咩路就可以喇。說穿了，方向最重要。
哈哈, 你都係呢邊入伙wo, 鄰居鄰居, 恭喜恭喜!